17:52, 21 Ақпан 2024 | GMT +5
Қазақстан Президенті Қазан қаласына жұмыс сапарымен барды
АСТАНА. KAZINFORM - Қазақстан Президенті Қазан қаласына жұмыс сапарымен барды. Бұл туралы Ақорданың баспасөз қызметі хабарлады.

Сапар аясында Мемлекет басшысы «Болашақтың ойындары» халықаралық турнирінің ашылу рәсіміне қатысады, сондай-ақ бірқатар кездесу өткізеді.

Осыған дейін Мемлекет басшысы Қасым-Жомарт Тоқаевтың Ресей Федерациясына жұмыс сапарымен баратынын хабарлаған едік.
