Қазақстан Президентін халық жақсы көреді - Т.Ширмер

АСТАНА. ҚазАқпарат - Қазақстанның барлық ұлттары ҚР Президенті Нұрсұлтан Назарбаевты жақсы көреді. Бұл пікірді ҚазАқпарат тілшісіне Астанадағы украиндықтардың «Оберег» қоғамдық бірлестігінің төрайымы Тамара Ширмер білдірді.

«Барша қазақстандықтарды Шығыстың ұлы мерекесі Наурыз мейрамымен құттықтаймын. Осынау тамаша күнде бейбітшілік, бақыт және тыныштық тілеймін. Біз тамаша мемлекетте тату-тәтті тұрып жатырмыз. Қазақстанда барлық ұлттар мен ұлыстар бір шатыр астында бейбітшілік пен келісімде өмір сүруде. Президентіміз, құрметті Нұрсұлтан Әбішұлына зор денсаулық тілеймін. Біздің барлығымыз, барлық ұлттар оны жақсы көреді», - деді Т.Ширмер.