Қазақстан Ресейде өткен танк биатлонында төртінші орын алды
АСТАНА. ҚазАқпарат - Ресейдің Алабино елді мекенінде өткен танк биатлонының финалында қазақстандық команда төртінші орын алды, деп хабарлады РИА Новости.
Тартысқа толы жарыстың қорытындысы бойынша бірінші болып мәре сызығын ресейліктер кесті. Олардың нәтижесі - 1 сағат 12 минут. 1 сағат 19 минут нәтижесімен Қытай командасының танкі екінші болып жетті. Ал, үшінші орынды 1 сағат 24 минутта межелі қашықтықты еңсерген Сербия командасының танкі жеңіп алды.
Қазақстандықтар 1 сағат 24 минут дегенде мәреге жетіп, төртінші орын алды.
