Қазақстан шекараларында 6 тоннадан астам есірткі тәркіленді
АСТАНА. ҚазАқпарат - ҚР ҰҚК Шекара қызметі «Көкнәр-2016» жедел-сауықтыру шарасы аясында осы жылдың маусым айынан бастап 6,2 тоннадан астам есірткі заттарын тәркіледі, деп хабарлайды ҚазАқпарат Шекара қызметіне сілтеме жасап.
Атап айтқанда, мемлекеттік шекараның әртүрлі бөліктерінен келесідей есірткі заттары тәркіленді: героин - 7 кг 231 гр 340 млгр, гашиш - 12 кг 888 гр 439 млгр,марихуана - 185 кг 742 гр 725 млгр,кептірілген марихуана - 6т 760 кг, психотроптық «Травмадол» таблеткалары - 50 дана, қарасора тұқымы - 121,5 гр, көкнәр тұқымы - 100 гр, «Спайс» есірткілік синтетикалық заты- 4гр, шайыр майы - 3 гр 310 млгр, қолдан өсірілген қарақурай - 13 417 түп.
Сондай-ақ өздігімен өсіп шыққан 5 га қарасора анықталды.
Іс-шара аясында 156 азамат ұсталды, олардың 87-сі - Қазақстан, 26 - Ресей, 8 - Өзбекстан, 33 - Қырғызстан, 1 - Тәжікстан және тағы 1-еуі Әзербайжан азаматтары.
«Көкнәр-2016» іс-шарасы жалғасу үстінде.
