Қазақстан шекарашыларының қырғыз азаматтары - этникалық өзбектерді өткізуге тосқауыл жасағаны туралы ақпарат шындыққа жанаспайды - Қазақстан шекара қызметі
АСТАНА. Маусымның 16-сы. ҚазАқпарат - Қазақстан шекара қызметінің баспасөз қызметі хабарлама таратты, онда «Бірнеше БАҚ-та Қырғызстан шекара қызметіне сілтеме жасалған мақалалар шығып, Қазақстан шекарашыларының ұлты өзбек қырғыз азаматтарын өткізуге тосқауыл жасағаны орын алып отыр», дегендей ақпарат таратылған делінген.
«Осыған байланысты, аталмыш жарияланымдардағы фактілер шындыққа жанаспайтынын ресми түрде мәлімдейміз», - деп хабарлайды баспасөз қызметі.
Бұдан бұрын хабарланғанындай, Қазақстан шекара қызметі Қырғыз еліндегі жағдайдың тұрақсыз болып отырғанына байланысты Қазақстан мен Қырғызстан арасындағы мемлекеттік шекарада жоспарлы түрде күшейту шараларын жүзеге асырып отыр.
