Қазақстан Сочи Олимпиадасына екі мәнерлеп сырғанаушы апарады
АСТАНА. 1 сәуір. ҚазАқпарат - Францияның Ницца қаласында мәнерлеп сырғанаудан өтіп жатқан әлем біріншілігінде қазақстандық Денис Тен кішігірім сенсация жасап, қос бағдарлама бойынша 7 орынға табан тіреді,
деп хабарлады Аламан ұлттық спорт порталы.
Тен қысқы бағдарламада сегізінші, көрсетілім бағдарламасында алтыншы орынды еншілегенін айта кетейік. Осылайша, спортшымыз өзінің спорттық жолында ең ірі табыстарының біріне қол жеткізді. Денис Ницца додасында америкалық Джереми Абботт, Адам Риппон, испан Хавьер Фернандес, орыс Сергей Воронов, қытай Нан Сонг сынды мықтыларды артқа тастады. Тағы бір жағымды жаңалық, Денис Теннің осы жеңісінің арқасында Қазақстан Сочи Олимпиадасына екі мәнерлеп сырғанаушы апарады.
