Қазақстан темір жолдарында жоғары жайлылықпен жабдықталған 300 жаңа вагон пайда болады
АСТАНА. ҚазАқпарат - Биыл «Жолаушылар тасымалы» АҚ жоғары жайлылықпен жабдықталған 300 жаңа вагонды алуды жоспарлап отыр. Бұл туралы бүгін ҚР Президенті жанындағы Орталық коммуникациялар қызметіндегі баспасөз мәслихатында аталған компанияның басшысы Ермек Төлегенов мәлім етті.
Оның сөзіне қарағанда, жыл басында темір жол тасымалына тарифтердің жеті пайызға артуы компанияның қаржылық көрсеткішін арттыруға айтарлықтай ықпал етеді. «Осы орайда біз биыл жабдықталған үш жүз жаңа вагонды алатын боламыз», - деді Е. Төлегенов.
Сонымен қатар ол бұл вагондарды алғаннан кейін пойыздардың құрамы толық жасақталады. Атап айтқанда, осы вагондар кондиционерлермен, мейрамханалармен және басқа да қажетті жүйелермен жабдықталған.
Бұған қоса, «Жолаушылар тасымалы» АҚ жаңадан электропойыздарды сатып алуды көздеп отыр. Олар Астана - Бурабай, Астана-Қарағанды, Астана-Павлодар аралығында жолаушылар тасымалдайды.
