«Қазақстан темір жолы» АҚ директорлар кеңесінің жаңа құрамы сайланды

АСТАНА. ҚазАқпарат - «Қазақстан темір жолы» Ұлттық компаниясы» АҚ директорлар кеңесінің құрамында өзгерістер орын алды, деп хабарланған Қазақстан қор биржасының сайтында.

«ҚТЖ» ҰК» АҚ директорлар кеңесінің уәкілеттік мерзімі аяқталуына байланысты «Самұрық-Қазына» ұлттық әл-ауқат қоры» АҚ басқармасының шешімімен «ҚТЖ» ҰК» АҚ директорлар кеңесінің толық құрамы жаңа мерзімге 2015 жылдың 21 маусымынан бастап бір жылға қайта сайланды», делінген хабарламада.

Сонымен, Байдәулетов Нұржан Тәліпұлы - «Самұрық-Қазына» АҚ активтерді басқару жөніндегі бас директор, жалғыз акционердің мүдделеріне өкілдік етуші; Балапанов Ерік Жұмаханұлы - жалғыз акционердің мүдделеріне өкілдік етуші; Илькявичюс Адамас - «Самұрық-Қазына» АҚ трансформация жөніндегі бас директор, жалғыз акционердің мүдделеріне өкілдік етуші; Мәмин Асқар Ұзақпайұлы - «ҚТЖ» ҰК» АҚ басқарма төрағасы болды. Ал Дрю Джереми, Кун Кристиан, Сыздықов Тито Уахапұлы, Шомоди Кальман тәуелсіз директор болып қалды.

«ҚТЖ» ҰК» АҚ директорлар кеңесінің төрағалығына Байдәулетов Нұржан Тәліпұлы тағайындалды.