Қазақстан теннисшілері Кремль Кубогі турнирінде келесі айналымға өтті
АСТАНА. Қазанның 20-сы. ҚазАқпарат /Жасұлан Аманбайұлы/ - Қазақстан теннисшілері Мәскеуде өтіп жатқан Кремль Кубогі жолындағы жарыстың екінші турына өтті, деп хабарлайды ҚР Теннис федерациясының баспасөз қызметі.
Бірінші айналымда Андрей Голубев аргентиналық теннисші Максимо Гонсалесті екі сетте 6:3, 6:2 есебімен жеңді. Оның ендігі қарсыласы жергілікті спортшы - Игорь Куницын.
Алғашқы ойнында қазақстандық теннисші WTA рейтингісінде 268 орында тұрған Зарина Диас та өзінің қарсыласы WTA рейтингісінде 49-шы орынды иеленіп отырған Хисела Дулконы 6:3, 6:7, 7:6 есебімен тізе бүктірді. Екінші турда З. Диас сербиялық теннисші Елена Янковичпен кездеседі.
Кремль Кубогі - жыл сайын Мәскеу қаласында күзгі мезгілде өтетін ірі халықаралық турнир.
