Қазақстан цифрлық бәсекеге қабілеттілік рейтингінде ТОП-35 елдің қатарына енді

IMD World Digital Competitiveness 2024 халықаралық рейтингінің деректеріне сәйкес, Қазақстан әлемнің 67 елі ішінде 34-орынға тұрақтап, цифрлық бәсекеге қабілеттілік саласындағы өз позициясын сақтап қалды.

Бұл рейтинг елдердің цифрлық технологияларды дамытып, оларды экономикалық трансформацияны жеделдету мен азаматтардың өмір сүру сапасын арттыру үшін қолдану қабілетін бағалайды.

Негізгі бағыттар бойынша:

• Білім және адами капитал – 33-орын (цифрлық дағдылар, кадр даярлау, ғылым);

• Технологиялық даму – 46-орын (реттеушілік, инвестиция, инфрақұрылым);

• Болашаққа дайындық – 27-орын (бизнес икемділігі, eGov, ІТ-ге бейімделу).

Қазақстанның күшті тұстары:

• Цифрлық бизнестерді іске қосуға жоғары дайындық;

• Электронды мемлекеттік қызметтердің кеңінен енгізілуі;

• Телекоммуникация және ІТ инфрақұрылымының дамуы.

Басым бағыттар:

• Цифрлық дағдылар мен жасанды интеллект бойынша білім беруді дамыту (AI People, AI Qyzmet, Tomorrow School бағдарламалары);

• Жасанды интеллект пен дербес деректерді қорғау саласындағы нормативтік базаны күшейту;

• Деректер орталықтарын салу, цифрлық платформалар мен стартаптарға арналған экожүйені іске қосу.

Айта кетейік, Қазақстан білім беру бағдарламаларынан бастап суперХҚКО-лар мен ұлттық жасанды интеллект платформасына дейінгі «цифрлық мемлекет» инфрақұрылымын дәйекті түрде қалыптастырып, Орталық Азия өңірінде цифрлық көшбасшылыққа ұмтылуда.

Әділет министрлігі цифрлық сот орындаушы жүйесінің алғашқы нәтижелерін таныстырды.