Қазақстан Түркиядағы турнирде жалпыкомандалық есепте үшінші орынды еншіледі

АСТАНА. ҚазАқпарат - Анталияда жастар арасындағы «Митхат Байрак және Исмет Атли» халықаралық турнирі аяқталды, деп хабарланды ВКонтакте желісіндегі Kazakhstan Wrestling Online парақшасында.

Еркін күрес бойынша жалғыз медальға Илисхан Чилаев қол жеткізді. Ол 86 келі салмақ дәрежесінде үшінші орынға ие болды.

Қыздар арасында 63 келі салмақ дәрежесінде Ирина Казюлина «күміс» және Зарина Құнғараева «қола» еншілесе, 51 келі салмақ дәрежесінде Анжелика Шелчкова екінші, Марина Зуева үшінші орыннан көрінді.

Жалпыкомандалық есепте Қазақстан құрамасы үшінші орынға ие болды, деп хабарлады sports.kz.