Қазақстан УЕФА Ұлттар лигасының ең төменгі дивизионында қалып қойды
АСТАНА. ҚазАқпарат - 2018-әлем чемпионатының іріктеу турнирі кезекті матчының қорытындысы бойынша УЕФА Ұлттар лигасы дивизиондарының болжамды кестесі жаңартылды, деп хабарлайды Sports.kz
Данияға есе жіберген (1:3) Қазақстан құрамасына бұл жеңіліс алға қарай жылжуға мүмкіндік бермеді - біздің команда D ең төменгі дивизионда қалып қойды. Қазіргі таңда бұл дивизионда Финляндия, Эстония, Армения, Грузия, Фарьер аралдары, Латвия, Македония, Молдова, Люксембург, Андорра, Лихтенштейн, Мальта, Косово, Сан-Марино және Гибралтардың құрамалары бар.
УЕФА Ұлттар лигасы - мақсаты жолдастық матчтарды алмастыру болып табылатын еуропалық құрамалар арасындағы болашақ халықаралық турнир (2018-әлем чемпионаты аяқталғаннан кейін басталады).
