Қазақстан үш жыл қатарынан ұн экспорты бойынша алдыңғы орында келеді
СТАНА. Сәуірдің 23-і. ҚазАқпарат /Руслан Ғаббасов/ - Ұннан жасалған өнімдер экспорттау бойынша елімізде елеулі әлеует бар. Бұл туралы бүгін Астанада өткен он-лайн конференция барысында Ауыл шаруашылығы вице-министрі Арман Евниев мәлім етті,
деп хабарлайды ҚазАқпарат.
«Қазақстан үш жыл қатарынан ұн экспорты бойынша алдыңғы орында келе жатыр. Биылғы маркетингтік жылдың көрсеткіші 2 миллион тоннадан астам»,-деді вице-министр.
Оның сөзіне қарағанда, Қазақстан 80-ші жылдардың соңында Кеңес Одағының нарығына және экспортқа қатқыл дәнді бидайдың 80 пайыздан астамын шығарған. Бұл көрсеткіш 4,5 миллион тоннаны құрайды.
«Бізде бұл тұрғыда ұннан жасалған өнімдер бойынша елеулі әлеует бар», -деді вице-министр. Осыған байланысты ол бизнесмендерді макарон зауыттарын құрып, шетел іскер топтарын тартуға шақырды.
«Есептеулер бойынша 2014 жылға дейін Кеден одағы нарығы шамамен 3 миллион тоннадан астам тек макарон өнімдерін тұтынатын болады»,-деді А. Евниев. Вице-министр, бүгіндегі мақсат экспортқа өнімді тек астық түрінде ғана емес, сонымен бірге ұн және басқа да дайын өнімдер күйінде шығару жұмыстары атқарылып жатқанын жеткізді.
