Қазақстан жаңа нарықтарға қазақстандық астық брендімен шығуға ниетті

АСТАНА. ҚазАқпарат - Қазақстан жаңа нарықтарға қазақстандық астық брендімен шығуға ниетті. Бұл туралы бүгін Орталық коммуникациялар қызметіндегі брифингте «Азық-түлік келісімшарт корпорациясы» ҰК» АҚ коммерциялық директоры - басқарушы директоры Нұрбек Дайырбеков мәлім етті.

«Қазақстандық астық брендіне қатысты айтар болсам, бұл жұмыстар тұрақты түрде жүргізіліп келеді. Бұл ретте қазіргі уақытта біз Қазақстан шығуға талпынып отырған жаңа нарықтарға қазақстандық астық брендімен ұмтылудамыз. Және де тұтынушыларымызға біздің астықтың наубайшылық үшін барынша жоғары сапалы екендігін дәлелдеуге тырысудамыз. Жұмыстар жүргізілуде», - деді ол.