Қазақстан Жапониямен инвестицияны ынталандыру және қорғау жөніндегі келісімді қарастырып жатыр
АСТАНА. 3 қараша. ҚазАқпарат /Руслан Ғаббасов/ - Қазақстан Жапониямен инвестицияны ынталандыру және қорғау жөніндегі келісімді қарастырып жатыр. Бұл туралы бүгін Астанада өткен баспасөз мәслихатында Индустрия және жаңа технологиялар министрлігі Инвестициялар комитетінің төрағасы Асылхан Серіков айтты.
Комитет басшысы бүгінде еліміз инвестицияны өзара ынталандыру және қорғау тұрғысындағы келісімді әлемнің 44 елімен бекіткенін айта келе: «сонымен қатар ЕурАзЭҚ аясында көпжақты бір келісім бекітілді. Мұнымен қоса қазіргі кезде Жапониямен инвестицияны ынталандыру және қорғау жөніндегі келісім қаралып жатыр»,-деп атап өтті.
