Қазақстан жасөспірімдері Минскідегі УЕФА турнирін ұтып алды

АСТАНА. 29 мамыр. ҚазАқпарат - Футболдан Қазақстан жасөспірімдер құрамасы (17 жасқа дейін) Минскіде өткен УЕФА-ның «Даму - 2013» («Развитие» - 2013) додасының жеңімпазы атанды.

«Аламанның» жазуынша, біздің футболшылар шешуші кездесуде Ресей құрамасын 2:1 есебімен ұтты. Бұл ойынға дейін Қазақстан құрамасы Белоруссияны 2:1 есебімен, ал Украинаны пенальтиден 4:1 есебімен (негізгі уақыт - 1:1) ұтқан болатын. Осылайша, Қазақстан жасөспірімдері Белоруссиядағы турнирді жеңіп алды.