Қазақстанда 1,5 млн. гектар жер жеке меншікке берілген
АСТАНА. 5 қараша. ҚазАқпарат - Елімізде 1,5 млн. гектардан астам жер жеке меншіктің пайдалануына берілген.
Бүгін Мәжілісте өтіп жатқан Үкімет сағатында Жер ресурстарын басқару агенттігінің төрағасы Қадырхан Отаров осылай айтты.
Төрағаның айтуынша, қазіргі таңда жеке меншікке берілген жер көлемі 1,5 млн. гектарды құрап, 0,6 пайызға тең болып отыр.
«Бұдан бөлек республика көлемінің 34 пайызын құрайтын 92 млн. гектардан астам жер уақытша пайдалану құқығымен тапсырылған. Елімізде жерді қайта құрудың тұрақталуына байланысты бүгінгі күні жерді тиімді, ұтымды пайдалану мәселесі бірінші кезектегі өзекті мәселе болып табылады»,-деді Қ. Отаров.
