Қазақстанда 10 қарашада болатын маңызды шараларға шолу
9:00 - 18:00 ҚР Ұлттық музейінде Мемлекеттік Эрмитаж күндерінің ашылуы болады.
IХ Халықаралық конгрес «Бедеулікті емдеудің заманауи тәсілдері» IХ Халықаралық конгресі «Radisson Hotel»де таңғы 9-да басталады.
Жиынға ҚР Денсаулық сақтау министрі Елжан Біртанов, Парламент Мәжілісінің депутаты Гүлнара Ихсанова, профессорлар, алғашқы пробиркада жаралған баланың авторлары А.И. Никитин, Е.А.Калинин қатысады.
9:00-де «Comfort Hotel Astana» қонақ үйінде «Атамекен» ҰКП «Дуалды білім беру аясында кәсіби мамандардың біліктілігін арттыру» форумы өтеді.
Жастар үйінде 9:30-да халықаралық «Розы Казахстана» фестиваль байқауы өтеді.
10:00-де Сенат ғимаратында ҚР Президентінің Қазақстан халқына «Үшінші жаңғырту: жаһандық бәсекеге қабілеттілік» жолдауындағы міндеттерді жүзеге асыру мақсатында Қазақстан экономикасына инвестиция тарту тақырыбында дөңгелек үстел өтеді.
ЭКСПО-2017 конгресс орталығында 10.00-де Алаш үкіметінің 100 жылдығына байланысты «Қоғамдық сананы рухани жаңғырту: Алаш пен тәуелсіздік идеяларының сабақтастығы» жиыны өтеді. Шараға ҚР Мемлекеттік хатшысы Гүлшара Әбдіхалықова қатысады.
Пленарлық отырыстан соң «1917 жылғы Ресей революциясы мен Алаш-Орда», «Алаш Орданың саяси платформасының новаторлық идеясы: Дамуы мен жүзеге асуы» секциялық жиындар өтеді. Ғалымдар Алаш зиялыларының тәуелсіздік пен егемендік жолында атқарған жұмыстарына баға береді.
10:00-22:00 «KERUENCITY» сауда үйінде 2017 - Fashion Market By Aff 5 маусымы өтеді. Келушілер жаңа колекциялармен танысып, дизайнерлермен тікелей тілдесе алады.
«Big Шанхай» ғимаратында сағат 10:00-13:00 арасында «Астана жастары» МКК жастарға кеңестік көмек көрсетеді.
11.00-де Мәжілісте «Нұр Отан» партиясының мүшелері, депутаттар «Мемлекеттік-жекешелік әріптестікті дамыту тетіктерін жетілдіру» тақырыбында отырыс өткізеді.
11:00-де Ұлттық Академиялық кітапханада Иран каллиграфисі (құсни жазу) Расул Мохаммадихахтың жеке көрмесі өтеді.
12:00-де Назарбаев университетінде Республикалық «Шапағат» байқауының жеңімпаздары марапатталады.
Шараны ҚР Әділет министрлігі мен «Зияткерлік меншік Ұлттық институты» РМК, Назарбаев университеті ұйымдастырып отыр.
12.00-де ҚР Ұлттық кітапханасында МВА бағдарламасы аясында «Zhangyru» корпоративті оқыту курсына білім гранттарын табыстау салтанаты өтеді.
Л.Н.Гумилев атындағы ЕҰУ -де 13:00-де «Мұстафа Кемал Ататүрік» фотокөрмесі өтеді.
«Энергия холында» 17.00-де ЭКСПО-2017 көрмесі аймағында туристік аймақтың ашылу салтанаты өтеді.
Шараға «Астана ЭКСПО-2017» ҰҚ АҚ басқарма төрағасы А. Есімов, Астана әкімі Ә. Исекешев басқа да қайраткерлер қатысады.
Алматыда 10:00-де ҚР Президентінің Қазақстан халқына «Үшінші жаңғырту: жаһандық бәсекеге қабілеттілік» жолдауы мен «Болашаққа бағдар: қоғамдық сананы жаңғырту» мақаласын жүзеге асыру мақсатында Алматы теміржол көлігі колледжінде «Жаңғырту аясында инновациялық білім беру технологияларын пайдалану» атты өңірлік ғылыми практикалық конференция өтеді.
Отырысқа Алматыдағы 25 колледждің 50 мұғалімі мен 4 аймақтық колледж өкілдері қатысады.
Орталық мемлекеттік музейде 11:00-де ҚР Тұңғыш Президенті кітапханасының көшпелі жобасы таныстырылады. Бұл жоба аясында ҚР Президенті күніне әрі Тәуелсіздік күніне дайындық ретінде ғылыми конференциялар, семинарлар, тренингтер, шолу экскурсиялар, «Модель Назарбаева» кітабының таныстырылымы өтеді.
Жобаның негізгі шарасы «Н. Назарбаев: эпоха, лидер, общество» қор көрмесі ұйымдастырылады.
Келушілер назарына кітапхананың архив, кітап, музей қорының сирек жәдігерлері, Елбасының жоғары мемлекеттік марапаттары, Құрандар коллекциясы, өзге мемлекет басшыларының қолтаңбасымен кітаптар, Н.Назарбаевтың шет тіліндегі кітаптары қойылады.
11:00-де Esentai Mall-дағы Kinopark 11 -де «Бродвей» (brod.kz) кинопорталында Қазақфильм киноқоры бөлімінің ашылуы туралы баспасөз мәслихаты өтеді.
Отандық кинематография онлайн кинотеатрде алғаш рет осындай көлемде беріліп отыр.
«Қазақфильм» 645 фильм, оның ішінде - 208 көркем фильм, 332 деректі фильм, 105 анимациялық фильм қоймақ.
10 қараша күні сағат 15:00-де «Ғылым Ордасында» еліміздің ғылыми-инженерлік қауымдастығы ҚР Ұлттық инженерлік академиясының (ҚР ҰИА) Жалпы жиналыс сессиясында 2016-2017 жылдарын қорытындылайды және ғылыми-инженерлік мәселелердің келешегін қарастырады. Жиналыста Академияның президенті, академик Бақытжан Жұмағұлов баяндама жасайды. Ол Елбасының халыққа Жолдауында алға қойған - Қазақстанның Үшінші жаңғыруын жүзеге асыруда нақты кезең-кезеңмен жоспарланған іс-әрекеттерді, экономикалық өсімнің жаңа модельдерін құруда, мәселелерді шешуде еліміздің ғылыми-техникалық, инженерлік зиялылардың рөлін атап өтеді.
Академия басшылығын, толық мүшелері мен мүше-корреспонденттерін сайлау, Халықаралық инженерлік академия мүшелерін және Төралқа мүшелерін кооптациялау өтеді.
Сессияда инженерлік қызметкерлердің кәсібилігін арттыру, еліміздің үздік инженерлерінің жетістіктерін және тәжірибесін насихаттау, инженер мамандығын таныту мақсатында жыл сайын өтетін «2017 жылдың үздік инженері» атты Республикалық байқауының қорытындысын шығарады.
15:00-де Алматы қалалық сотының ғимаратында «Корпоративті дауларды шешудегі сот тәжірибесі» конференциясы өтеді.
Семинарды ҚР Жоғарғы сотының судьялары А.К. Ескендіров пен У.А.Сүлейменова видеоконференция арқылы жүргізеді.
Семинарға қалалық сот төрағасы Нұрғазы Абдіқанов, қалалық сот судьялары, экономикалық істер бойынша ауданаралық мамандандырылған сотының төрағасы Дәулен Балықов, экономикалық соттардың судьялары, «Атамекен» ҰКП өкілдері қатысады.
