Қазақстанда 14 фармацевтикалық кәсіпорын салынады
АСТАНА. 15 қаңтар. ҚазАқпарат - Индустрияландыру бағдарламасының аясында Қазақстанда 2010-2011 жылдары 12 жаңа кәсіпорын іске қосылып, 1,9 мың жұмыс орны құрылды.
Алдағы уақытта тағы 14 фармацевтивалық кәсіпорын ашу жоспарлануда, деп хабарлады pm.kz сайты.
Үкімет дәрі-дәрмекке деген еліміздің ішкі сұранысының жартысын 2014 жылға дейін отандық кәсіпорындардың есебінен қамтамасыз ету туралы міндет қойып отыр. Қазіргі таңда елімізде тұтынылып отырған дәрілік заттардың үштен бірі - Қазақстанда жасалуда.
