Қазақстанда 14 маусымда өтетін маңызды шараларға шолу

АСТАНА

Сағат 09:30-да Марриотт Отельде «Blockchain Conference Астана» атты конференция басталады.

Сағат 10.00-де Сенаттың кезекті отырысы  болады.

Сағат 10:00-де «Transporttowers» ғимаратында Қазақстандағы көлік саласын цифрландыруда тұңғыш ««Е-freight» ауыр жүк әуе тасымалындағы қағазсыз құжат айналымының ақпараттық жүйесін енгізу мен бейімдеу» атты мемлекеттік-жекешелік әріптестік бойынша келісімге қол қойылады.

Сағат 11:0-де ҚР Мемлекеттік хатшысы Гүлшара Әбдіхалықова мен ҚР-дағы Түрікменстанның Төтенше және Өкілетті Елшісі Т.Көмековпен кездесуі өтеді.

Дәл осы уақытта Ішкі істер министрі Қалмұхамбет Қасымов «Қазмедиада» халықпен кездесу өткізеді.

Сағат 11.00-де Қабанбай батыр мемориалдық кешенінде  Қазақстан халқы Ассамблеясының «Ұлы Дала Елінің киелі мұралары» республикалық тарихи-экологиялық акциясы бастау алады.

Сағат 11:00-де «Нұр Отан» партиясы Орталық аппаратының ғимаратында партиялық куратор, Парламент Мәжілісінің депутаты А.Е. Бектұрғановтың «Білім беру жүйесіне ағылшын тіліне кезең-кезеңмен көшу мәселелері» атты отырысы басталады.

Сағат 11:00-де Қаржы министрлігінде мемлекеттік сатып алудың веб-порталы мен шағым бергені үшін төлем алу қызметіне регуляторлық әсер ету бойынша талдау қорытындысын талқылау өтеді.

Сағат 14:00-де ҚР Парламент Сенатының экономикалық саясат, кәсіпкерлік және инновациялық даму бойынша Комитет мүшелері мен «Қазақстан темір жолы» ҰК» АҚ басшылығымен кездесуі өтеді.

Сағат 15:00-де Бейбітшілік және Келісім сарайында елорданың 20 жылдығына және «Рухани жаңғыру» бағдарламасына, медицина қызметкерлері күніне арналған «Елордалық денсаулық сақтау саласының 20 жылдығы, жетістіктер мен келешек» атты ауқымды шара өтеді.

Сағат 15.20-да Қуаныш Сұлтановтың төрағалығымен Елбасы жанындағы Адам құқықтары жөніндегі комиссияның ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің Қазақстан Республикасы азаматтарының, сондай-ақ мемлекеттік қызметшілердің конституциялық құқықтарын қамтамасыз ету жөніндегі рөліне арналған кеңейтілген отырыс болады.

Сағат 15.30-да «Нұр Отан» партиясының «Нұр Отан» партиясы Орталық аппаратының ғимаратында ҚР Парламенті Мәжілісінің депутаты Ж.А. Жарасовтың төрағалығымен «Нұр Отан» партиясы жанындағы Сыбайлас жемқорлыққа қарсы іс-қимыл жөніндегі Республикалық қоғамдық кеңес отырысы өтеді.

Cағат 16.00-де  «Экономикалық тергеу қызметінің 2018 жылдың 5 айлық жұмыс қорытындысы бойынша жұмыс нәтижелері» тақырыбындағы брифинг басталады.

17.00-де Тәуелсіздік сарайында «Елорда мақтанышы» атты «Алтын белгі» иегерлерінің құрметіне  арналған салтанатты шара ұйымдастырылады.

Сағат 19.30-да «Қазақстан» РТРК АҚ ұйымдастыруымен  «Қазмедиа» орталығының Нұржол бульвары жағынан үлкен экранда FIFA -2018 футболдан Әлем чемпионатының ашылу салтанаты мен Ресей-Сауд Арабия арасындағы алғашқы ойын көрсетілетін болады.

АЛМАТЫ

Сағат 10.00-де «SmArt.Point» коворкинг-орталығынла «Электронды коммерцияны дамытудың трендтері: аңыз және ақиқат» атты бірінші бизнес-форум өтеді.

Сағат 12:00-де Мүгедек балалардың ата-аналары қауымдастығы Алматыда ДЦП диагнозы бар балаларды ерте емдеу және белсенді түрде оңалту орталығының ашылуына шақырады.

Сағат 14.00-де Әл-Фараби атындағы ҚазҰУ-да «Тоталь Энерджи» жазғы мектебінің салтанатты жабылуы өтеді.

Сағат 15:00-де Жамбыл атындағы Қазақ мемлекеттік филармониясында Алматы қалалық мәслихаты депутаттарының, денсаулық сақтау саласы мамандарының, медициналық мекеме өкілдерінің қатысуымен Медицина күніне арналған салтанатты шара өтеді.

Сағат 17:00-де Қазақстан Тәуелсіздігі монументі алдында «Ұлы Дала Елінің қасиетті мұралары» атты жастардың экспедициясы жолға шығады.

СЕМЕЙ

Сағат 10:00-де қалалық әкімдіктің ғимаратында жалпы орта білім беретін мектептердің өкілдерімен сыбайлас жемқорлықтың алдын алу мәселелері бойынша кездесу өтеді.

Сағат 11:00-де «Өлім вагоны» ескерткішінің жанындағы 72 тұрғын үй орамында «Street Workout» спорттық алаңының ашылуы өтеді.

ОРАЛ

Сағат 16:00-де Жастар мәдениет үйінде «Мen qazaqpyn» халықаралық мегажобасының облыстық кезеңі қорытындыланады.

ШЫМКЕНТ

Сағат 10:00-де Шымкент қаласының әкімдігінде «Highvill» құрылыс компаниясы, «Шымкент» СПК және Шымкент қаласы әкімдігі Шымкент-сити жобасына 400 млрд теңге шамасында инвестиция салу туралы үшжақты меморандумға қол қояды.

АТЫРАУ

Сағат 10.00-де облыс әкімі, «Нұр Отан» партиясы Атырау облыстық филиалының төрағасы Нұрлан Ноғаевтың төрағалығымен «Нұр Отан» партиясы Атырау облыстық филиалының саяси кеңес Бюросы мәжілісінің отырысы өтеді.

Сағат 12.00-де «Қазақстанның кітапханалары» партиялық жобасы аясында «Нұр Отан» партиясы Атырау облыстық филиалының бастамасымен Х.Досмұхамедов атындағы Атырау мемлекеттік университетінде және Каспий өңірінің  қазіргі заманғы жоғары колледжінде коворкинг-орталықтары ашылады.

Сағат 21.00-де Берлин қаласында өткен суға жүзуден мүмкіндігі шектеулі жандар арасында Әлем кубогінде жеңіске жетіп, Азия ойындарына жолдама ұтып алған атыраулық спортшылар Ержан Сәлімгереев пен Дмитрий Лиді күтіп алу шарасы өтеді.