Қазақстанда 17 қыркүйек күні болатын маңызды шаралар аңдатпасы

АСТАНА. KAZINFORM – Kazinform халықаралық ақпарат агенттігі Қазақстанда 17 қыркүйек күні болатын маңызды шаралар аңдатпасын ұсынады.

АСТАНА

9.00-де ҚР Ұлттық экономика министрлігі Табиғи монополияларды реттеу комитетінің Астана қаласы бойынша департаменті «Астана-Теплотранзит» АҚ объектілері бойынша 2023 жылға және 2024 жылдың 1 жартыжылдығына арналған инвестициялық бағдарламалардың іс-шараларын орындау бойынша баспасөз турын өткізеді.

9.00-де Astana Saad қонақ үйінде ҚР Денсаулық сақтау және ағарту министрліктері мен БҰҰ Балалар Қоры (ЮНИСЕФ) «Балалар мен жасөспірімдердің психикалық денсаулығы мен әл-ауқаты: профилактика, нығайту және көмек көрсету жөніндегі қызметтерге қолжетімділікті жақсарту» субөңірлік конференциясын өткізеді.

9.30-да ЭКСПО аумағында «Жаңа әлемдегі халықаралық қаржы жүйесі» тақырыбында конференция өтеді.

12.00-де Журналистер үйінде «Ербаян Мұхтар ісі бойынша соңғы жаңалықтар» тақырыбында баспасөз конференциясы өтеді.

15.00-де Мәжілісте салық салу мәселелері бойынша ілеспе түзетулері бар Салық кодексінің жобасы таныстырылады.