Қазақстанда 19 қыркүйек күні болатын маңызды шаралар аңдатпасы

АСТАНА. KAZINFORM – Kazinform халықаралық ақпарат агенттігі Қазақстанда 19 қыркүйек күні болатын маңызды шаралар аңдатпасын ұсынады.

АСТАНА

10.00-де ҚР Парламенті Сенатының жалпы отырысы басталады. 

10.00-де Республикалық адвокаттар алқасы адвокаттардың кәсіби құқықтарын қорғауға және азаматтардың білікті заң көмегіне қол жеткізуге конституциялық құқықтарын бұзуға қатысты маңызды мәселелерді талқылайтын баспасөз конференциясын өткізеді.

14.30-да ҚР Ғылым және жоғары білім министрі Саясат Нұрбек, NEOM University негізін қалаушы президенті Андреас Кангелларис, NU президенті профессор Вакар Ахмад және университет менеджментінің басқа да өкілдерінің қатысуымен 21 ғасырдағы университеттердің көшбасшылығы мен ғылымды қаржыландыруға арналған сараптамалық пікірталас өтеді. 

19.00-де Ritz-Carlton қонақ үйінде «Жаңа әлемдік тәртіпті қалыптастыру: терең плюрализмге көшу» тақырыбында Public talk өтеді.