Қазақстанда 20 қыркүйек күні болатын маңызды шаралар аңдатпасы

АСТАНА. KAZINFORM – Kazinform халықаралық ақпарат агенттігі Қазақстанда 20 қыркүйек күні болатын маңызды шаралар аңдатпасын ұсынады.

АСТАНА

9.00-де Президенттік орталықта «Медицинадағы әлемдік сапа стандарттары мен инновациялар: қауіпсіздікке назар аудару» конгресі өтеді.

9.00-де ҚР Ұлттық экономика министрлігі Табиғи монополияларды реттеу комитетінің Астана қаласы бойынша департаменті «Астана-Энергия» АҚ объектілері бойынша баспасөз турын өткізеді.

9.00-де Ozgeepic креативті хабында «Коммуникациялар нарығы: ойын ережелері. Сын-қатерлер. Стратегиялар» атты 12-ші халықаралық PR Forum өтеді.

09.30-да Қазақстан стратегиялық зерттеулер орталығында халықтың АЭС құрылысына қатынасы туралы әлеуметтік сауалнама нәтижелері бойынша брифинг өтеді.

10.00-де БЖЗҚ «Болашақ зейнетақыны қалай жинақтауға және білуге болады: Зейнетақы калькуляторы және жинақтау жоспары» атты ашық есік күнін өткізеді.

10.00-де ҚР Мәдениет және ақпарат министрлігі «Ұлттық қолжазбалар және сирек кітаптар орталығы» РММ ашық есік күнін ұйымдастырады.

11.30-да ҚР Президенті жанындағы Орталық коммуникациялар қызметінде «Қазақстандағы көші-қон процестері және көші-қон саясаты тұжырымдамасын іске асыру туралы» баспасөз конференциясы өтеді.

15.00-де ҚР ҚК Ұлттық әскери-патриоттық орталығында «Тіл — татулық тірегі» байқауы өтеді.

16.00-де Назарбаев университетінде «Қоғамға пайда. Сингапур тәжірибесі» атты жасанды интеллект симпозиумы өтеді.

16.00-де ҚР Ұлттық музейінде «Ұлы дала алтыны» көрмесінің ресми ашылуы өтеді.

19.00-де Л. Н. Гумилев атындағы Еуразия ұлттық университетінде «Қазақстанның атом энергетикасы: даму перспективалары, кадрлық әлеует, әлемдік тәжірибе» атты пікірталас алаңы ұйымдастырылады.