Қазақстанда 2009 жылдың бірінші тоқсанында теміржол саласындағы тасымалдау көлемдерінің орта есеппен 3-4 пайызға төмендеуі күтілуде

АСТАНА. Қаңтардың 15-і. ҚазАқпарат /Ернұр Ақанбай/ - Қазақстанда 2009 жылдың бірінші тоқсанында тасымалдау көлемдері теміржол саласында орта есеппен 3-4 пайызға, авиация саласында 8 пайызға төмендейді деп күтілуде.

Бұл туралы бүгін Көлік және коммуникация министрлігінің кеңейтілген алқа мәжілісінде министр Серік Ахметов айтты, деп хабарлайды ҚазАқпарат. Оның айтуынша, бақыланып отырған төмендеу бүтіндей маусымдық ауытқулармен салыстырмалы түрде және шарықтау шегі болып табылмайды. «Бірақ, сала бойынша неғұрылым анық сипатты ағымдағы жылдың мамыр-маусымы кезеңінде анықтай аламыз», деді министр.