Қазақстанда 22,2 мың адам коронавирустан емделіп жүр
НҰР-СҰЛТАН. ҚазАқпарат – Қазақстанда 22,2 мың адам коронавирустан емделіп жүр, деп хабарлайды ҚазАқпарат ҚР Денсаулық сақтау министрлігінің баспасөз қызметіне сілтеме жасап.
«17 ақпандағы мәлімет бойынша, 22 295 адам короновирус инфекциясынан (13 846 КВИ+ және 8 449 КВИ-) емделуде, олардың ішінде 4 927 пациент стационарда, 17 368 науқас амбулаториялық деңгейде ем қабылдап жүр», делінген хабарламада .
КВИ+, КВИ- шалдыққандардың арасында:
249 адамның жағдайы ауыр;
45 пациенттің жағдайы өте ауыр;
40 науқас ӨЖЖ аппаратында жатыр.
