Қазақстанда 450 мыңға жуық адам жұмыссыз

АСТАНА. ҚазАқпарат - 2018 жылдың қараша айындағы жағдай бойынша, Қазақстанда жұмыссыздар саны 444,7 мың адамды құрады. Бұл - еліміздегі жалпы жұмыс күшінің 4,9 пайызы (биылғы жылдың қазанында - 4,8 пайыз болды), деп хабарлайды ҚазАқпарат ҚР Ұлттық экономика министрлігі Статистика агенттігіне сілтеме жасап.

Ресми ақпаратқа сәйкес, қараша айында жұмыспен қамту органдарында жұмыссыз ретінде тіркелгендердің саны 134,8 мың адамды құрады. Бұл - экономикалық тұрғыда белсенді халықтың 1,5 пайызы.