Қазақстанда 5 ақпанда өтетін маңызды шараларға шолу
АСТАНА
Cағат 10.00-де «Үкімет үйінде» Үкімет отырысы басталады. Үкімет отырысының күн тәртібінде Мемлекет басшысының тапсырмаларын орындау, сондай-ақ денсаулық сақтау инфрақұрылымын дамытудың өңірлік ұзақ мерзімді жоспарларын іске асыру мәселелері талқыланады.
Сағат 10.45-те Ұлттық теннис орталығының баспасөз орталығында Ұлттық әйелдер құрамасының қатысуымен баспасөз мәслихаты өткізіледі. Баспасөз мәслихатына Зарина Дияс, Галина Воскобоева, Юлия Путинцева, Гозаль Айнитдинова, Анна Данилина мен Диас Досқараев қатысады.
Сағат 11.00-де «Нұр Отан» партиясы Астана қалалық филиалы және «Астана Су арнасы» МКК ұйымдастырумен «Жастардың бойында экологиялық дағдыларды қалыптастыру» тақырыбында іс-шара өткізіледі.
Сағат 11.00-де Достық үйінде Қазақстан Республикасы Парламент Мәжілісінің депутаты - ҚХА депутаттық тобының жетекшісі, Қазақстан Республикасы Парламент Мәжілісінің әлеуметтік-мәдени даму комитетінің мүшесі Сауытбек Абдрахмановтың Астана қаласы ҚХА этномәдени бірлестіктерімен кездесуі өтеді.
Сағат 15.00-де Сенатта Халықаралық қарым-қатынас, қорғаныс және қауіпсіздік жөніндегі комитеттің кеңейтілген отырысы өтеді.
Сағат 15.00-де Л.Н.Гумилев атындағы ЕҰУ мен БМАРУ «Автоматтандыру және басқару» мамандығы бойынша қос дипломды білім беру бағдарламасының салтанатты ашылу рәсімін өткізеді.
Сағат 17.00-де Елбасы кітапханасы музейінің ғимаратында Ирандағы ислам революциясы жеңісінің 40 жылдығына арналған «Иран калиграммасы» көрмесінің ашылу салтанаты өтеді.
Сағат 18.30-да Корея мәдени орталығында корей жаңа жылы мерекелеу шарасы өткізіледі.
АЛМАТЫ
Сағат 11.00-де «Алматы Су» МКК құрылымының басты тазарту жүйелеріне баспасөз туры ұйымдастырылады.
Сағат 16.30-да № 6 Оқушылар үйінде «Алматы қаласының ұйғыр этномәдени қалалық орталығы» Қоғамдық бірлестігінің конференциясы өтеді.
ТҮРКІСТАН ОБЛЫСЫ
Сағат 11.00-де Отырар ауданында ҚР Парламент Мәжілісінің депутаттары М.Айсина мен С.Өтебаевтың қатысуымен «Нұр Отан» партиясы Отырар аудандық филиалының кезектен тыс ХХХVI конференциясы өтеді.
Сағат 11.30-да Түркістан қаласының Turkistan media орталығында облыстық табиғи ресурстар және табиғат пайдалануды реттеу басқармасы 2018 жылдың қорытындысы бойынша баспасөз мәслихатын өткізеді.
Сағат 12.30-да Түркістан қаласының Turkistan media орталығында облыстық құрылыс басқармасы 2018 жылдың қорытындысы мен 2019 жылдың жоспарлары жайында баспасөз мәслихатын өткізеді.