Қазақстанда 7 тамызда өтетін маңызды шараларға шолу

НҰР-СҰЛТАН

Сағат 10.00-де Nur Otan партиясының Республикалық қоғамдық қабылдау бөлмесінде ҚР Ішкі істер министрі Ерлан Тұрғымбаев азаматтарды жеке қабылдайды.

Сағат 12.00-де Кәсіподақтар орталығында елордада жұмыс істейтіндердің құқығын қорғаудың жаңа шаралары бойынша брифинг ұйымдастырылады.

Сағат 15.00де Үкімет үйінде Ұлттық экономика вице-министрі Ермек Алпысовтың қатысуымен «Ауылдарда өмір сапасын арттыру және жоғары білікті кадрларды тарту» тақырыбында баспасөз мәслихаты басталады.

АЛМАТЫ

Сағат 10.00-ден 13.00-ге дейін қалалық әкімдікте Энергия тиімділікті және инфрақұрылымдық даму басқармасында электрмен және жылумен қамту мәселелері бойынша ашық есік күні өткізіледі.

Сағат 14.30-да Korean House мейрамханасында Қазақстандағы Корея Республикасының Төтенше және Өкілетті елшісі Ким Дэ-сикпен кездесу өтеді. Бұл арнайы шақырылған қонақтардың қатысуымен өтетін жабық кездесу.