Қазақстанда 8 жолдамаға 14 ауыр атлет үміткер
АСТАНА. 13 наурыз. ҚазАқпарат - Қазақстанның ауыр атлеттері Лондонға дайындықтарын жалғастыруда. Бүгінде ел қоржынында 8 олимпиада жолдамасы бар.
«Аламан» порталының мәліметіне қарағанда, бұл лицензияларға 14 спортшы үмітті.
Федерация мамандарының мәлімдеуінше, қазір Зүлфия Чиншанло, Мая Манеза, Светлана Подобедова, Энвер Түркелеримен бірге жаттығып жатыр. Ал Илья Ильин өз бағдарламасы бойынша Польшада дайындалуда. Владимир Седов, Владимир Кузнецов, Сергей Истомин өздерінің жеке бапкерлерімен Талдықорғанда өз жаттығударын пысықтауда. Сондай-ақ Бейжің ойындарының қола жүлдегері Мария Грабавецкая да қазір командаға қосылды.
