Қазақстанда 90 мыңнан астам мемлекеттік қызметкер бар - Т.Донақов
АСТАНА. ҚазАқпарат - ҚР Мемлекеттік аппаратының саны 91 мыңнан астам адамды құрайды. Бұл туралы бүгін Қоғамдық кеңес отырысының барысында ҚР Мемлекеттік қызмет істері министрі Талғат Донақов мәлімдеді.
Министрдің атап өтуінше, Қазақстандағы мемлекеттік қызметкерлердің жалпы штаттық саны 99 мыңға жуық адамды құрайды, соның ішінде мемлекеттік қызметкерлердің саны - 98 464 адам, соның ішінде «Б» атқарушы корпусында - 97 971 адам, «А» басқарушы корпусында - 493 адам және саяси мемлекеттік қызметкерлер корпусында - 422 адам.
«Осылайша, мемлекеттік аппараттағы бос жұмыс орындарды есепке ала отырғанда, бұл шамамен 7,6 пайыз - ҚР мемлекеттік аппаратының саны 91 мыңнан астам адамды құрап отыр», - деп нақтылады Т.Донақов.
Оның айтуынша, әкімшілік қызметтердің саяси қызметтермен салыстырғанда басымдығы «А» корпусының ерекше дәрежесімен бірге ЭЫДҰ-ның кеңестеріне сәйкес келіп, мемлекеттік аппараттың автономдығы және тұрақтылығына септігін тигізеді.
