Қазақстанда «ақ хакерлер» қызметі басқа бағытта жүргізілуі мүмкін

НҰР-СҰЛТАН. ҚазАқпарат - ҚР Цифрлық даму, инновациялар және аэроғарыш өнеркәсібі министрлігі Кибершабуылдарды талдау және тергеу орталығымен бірлесіп, ақпараттық қауіпсіздік жөніндегі Bugbounty осалдықтың жеке платформасын пилоттық режимде іске қосты, деп хабарлайды ҚазАқпарат тілшісі.

«BugBounty сайтында 1100-ден астам тәуелсіз киберқауіпсіздік сарапшылары тіркелген. Олардан осалдықтар туралы хабарламалармен 1200-ден астам есеп алынды. Олардың кейбіреулері сыни тұрғыдан дұрыс. Атап айтқанда, Нұр-Сұлтан қаласының сумен жабдықтау жүйесін басқаруға қол жетімділік, «электрондық үкіметтің» осалдығы, 7 миллион медициналық деректердің, сондай-ақ елдің бірнеше ірі банктеріндегі азаматтардың банктік деректерінің сыртқа шығып кетуі мүмкін. Кейбір есептер бойынша 15 миллион теңге мөлшерінде төлемдер жүзеге асырылды», - делінген «Ашық НҚА» сайтында орналастырылған «Киберқалқан – 2» цифрлық экожүйені дамытудың 2022-2027 жылдарға арналған тұжырымдамасы жобасында.

Бүгінгі таңда қазақстандық компания BugBounty енгізу бойынша Қырғызстан мен Өзбекстанның Ұлттық реттеушілерімен меморандумдар жасасқан.

Тұжырымдама жобасын қоғамдық талқылау 2022 жылғы 5 қыркүйекке дейін жалғасады.