Қазақстанда алдағы үш тәулікте өткінші жаңбыр жауады
АСТАНА. ҚазАқпарат - Ресейдің еуропалық бөлігінен ауысып отырған атмосфералық ағындар алдағы үш тәулікте республиканың бүкіл аумағында кей жерлерде найзағайлы жаңбырлар, екпінді желге себеп болуы мүмкін.
«Қазгидромет» РМК-нің ақпаратынша, кей жерлерде бұршақ түсуі ықтимал. Республиканың батыс және солтүстік облыстарындағы ауа температурасы орташа көпжылдық көрсеткіштерінің шамасында және кейбір жерлерде 1-2 градус төмен болатыны шамаланып отыр. Қалған аумағында ол нормадан 2-4 градус жоғары болады.
