Қазақстанда алғаш рет регбиден Азия чемпионаты өтеді
АСТАНА. ҚазАқпарат - Бүгін Алматыда Қазақстан Республикасының бірінші Президенті спорттық кешенінде, тәуелсіз еліміздің тарихында алғаш рет регби-15-тен ерлер командалары арасында Азия чемпионаты басталады, деп хабарлайды ҚазАқпарат ақпараттық және спорттық ХАБ-ке сілтеме жасап.
Спорт бәсекесі мамырдың 16-ы мен 19-ы аралығында Алматыда өтеді және онда сары құрлықтың ең үздік командалар өзара мықтыны анықтайды.
Шараның ашылу салтанаты мамырдың 16-ы сағат14-30-ға жоспарланған. Байрақты бәсекеге Қазақстан, Моңғолия, Пәкістан, Қырғызстан елдері қатысады.
Айта кетейік, 2016 жылы регби Олимпиадалық спорт түрлерінің тізіміне енді. Қазақстан ұлттық құрамасы Азия елдерінің арасында тұрақты жеңімпаз, ал әлем бойынша үздік 30 елдер қатарына кіреді. Азия чемпионаты регбидің елімізде бұқаралық спорт түрі ретінде дамып, бұл тартысты ойын жастар арасында кеңінен танылуына ықпал етпек.
