Қазақстанда ана атанатын қыздардың орташа жасы белгілі болды
АСТАНА. ҚазАқпарат - Статистика агенттігі Қазақстандағы ана атанатын қыздардың орташа жасын анықтады.
Агенттіктің хабарлауынша, 2013 жылда Қазақстанның бірнеше өңірлерінде бала туғандағы әйелдің орта жасы орташа республикалық деңгейден жоғары болды. Мысалы, осы көрсеткіш Алматы қаласында 28,9 жасты, Астана қаласында 28,4, Қызылорда облысында 27,9, Шығыс Қазақстан облысында 27,8 жасты құрады.
Былтыр Қазақстан Республикасында АХАТ органдарымен 387 227 туылғандар тіркелді, соның ішінде қалалық мекендерде - 209 004 адам, ауылдық жерлерде - 178 223 адам. Туылған ер балалардың саны 199 880 адамды (51,6%), қыз балалар - 187 347 адамды (48,4%) құрады, туылған кездегі жыныстардың арақатынасы 100 қыз балаға шаққанда 106,7 ер баланы құрады.
Қазақстан өңірлері бойынша 1 000 тұрғынға шаққандағы туудың ең жоғары деңгейі Маңғыстау - 31,71, Оңтүстік Қазақстан - 29,59, Атырау - 28,60 облыстарында болды. Ең төменгі көрсеткіш Солтүстік Қазақстан - 14,82, Қостанай - 14,79 және Шығыс Қазақстан - 16,43 облыстарында байқалды.
2013 жылы 2003 жылмен салыстырғанда туылғандар саны 56,2%-ға (ер балалар - 56,6%-ға, қыз балалар - 55,7%-ға), қалалық мекендерде - 50,7%-ға, ауылдық жерлерде - 63,1% артты.
