Қазақстанда ауыл шаруашылығы өнімдерінің көлемі өсті
АСТАНА. ҚазАқпарат - Ағымдағы жылдың қаңтар-шілде айларында еліміздегі ауыл, орман және балық шаруашылығы өнімінің жалпы көлемі 1309,7 млрд теңгені құрады. Бұл өткен жылдың осы кезеңіндегі көрсеткішке қарағанда 3,5 пайыз көп, деп хабарлайды ҚазАқпарат статистика комитетіне сілтеме жасап.
Жалпы алғанда, аталған кезеңде мал шаруашылығы бойынша өнім көлемі - 1131,2 млрд (өткен жылдың осы кезеңімен салыстырғанда өсім 4,1 пайыз), өсімдік шаруашылығында өнім - 163,6 млрд теңгені құрады.
Өз кезегінде ауыл шаруашылығы саласындағы қызметтер көлемі 2,1 млрд теңге болды. Аңшылық шаруашылығындағы қызметтер - 0,5 млрд, орман шаруашылығында - 7,7 млрд, балық аулау мен аквамәдениетте - 4,6 млрд теңгені құрады.
