Қазақстанда Азия чемпионаты өтеді

АСТАНА. 9 қараша. ҚазАқпарат - Қазақстанда Азия чемпионаты өтеді, деп хабарлайды alaman.kz.

Бұл туралы спорттық жекпе-жек және күш қолданылатын спорт түрлері конфедерациясының кезекті отырысында белгілі болды.

Азия біріншілігінде еркін күрес, грек-рим күресі және әйелдер күресінен жүлделер сарапқа салынады. Чемпионаттың қай қалада өтетіні әзірге белгісіз. Қазақстан Күрес федерациясы мәліметінше, АЧ сәуір айында өтуі мүмкін.

Қазақстан осыған дейін 2004 және 2006 жылғы Азия чемпионаттарын қабылдаған еді. Екі сында Алматыда өткен болатын.

Сондай-ақ Қазақстан 2019 жылғы Әлем чемпионатын өткізуге ұсыныс жасамақ.