Қазақстанда Бәсекелестікті қорғау комиссиясы құрылуда
АСТАНА. ҚазАқпарат - Қазақстанда Бәсекелестікті қорғау комиссиясы құрылуда. Бұл туралы бүгін Астанада өткен "ҚР Монополияға қарсы заңнамасы және Бірыңғай экономикалық кеңістік" форумы барысында ҚР Бәсекелестікті қорғау агенттігі төрағасының орынбасары Әлиақпар Мәтішев айтты.
«Бүгінде біз Бәсекелестікті қорғау комиссиясын үкіметтік деңгейде құрып отырмыз. Оны бәсекелестік мәселелерін қарастыратын вице-премьер басқаратын болады. Оның құрамына мемлекеттік органдар да, бизнес өкілдері де кіреді. Комиссия шеңберінде бәсекелестікті дамыту мәселелері талқыланатын болады », - деп атап өтті Мәтішев. Оның айтуынша, монополияға қарсы органның басты міндеті бәсекелестікті дамыту емес. «Біздің басты міндетіміз - бәсекелестікті қорғау, сондықтан мемлекеттік органдар өздерінің саласында бәсекелестікті дамытуға назар аударатын боламыз», - деді ол.
