Қазақстанда баспана, жол, ғимараттар құрылысы артты

Биылғы 11 айда елімізде құрылыс жұмыстарының көлемі 5 918,9 млрд теңгені құрады. Бұл өткен жылдың сәйкес кезеңімен салыстырғанда 12,6% жоғары. Кazinform бұл туралы Ұлттық статистика бюросына сілтеме жасап хабарлайды.

Көрсеткіш ғимараттар (24,9%) мен тұрғын емес ғимараттар (6,8%) құрылысында және жөндеу жұмыстарында артқан.

Республика бойынша орындалған құрылыс жұмыстарының жалпы көлемінде:

• жеке ұйымдар – 87,3%
• шетелдік ұйымдар – 12,5%
• мемлекеттік ұйымдар – 0,2%

Орындалған жұмыстардың (қызметтердің) түрлері бойынша ең көп үлес:

• тұрғын емес ғимараттар (жалпы көлемнен 19,5%);
• автомобиль жолдары (14,8%);
• тұрғын үйлер (14,2%) құрылысына тиесілі.

Биылғы қаңтар-қарашада пайдалануға берілген жаңа объектілердің жалпы ауданы 17 296,8 мың шаршы метрді құрады.

Пайдалануға берілген тұрғын үйлердің жалпы ауданы 15,6% артып, 15 067,2 мың шаршы метрді құрады. Олардың ішінде:

• 9 107,9 мың шаршы метр көп пәтерлі үйлер;
• 5 862 мың шаршы метр жеке үйлер.