Қазақстанда бидай егістерінің аумағы едәуір қысқарды
АСТАНА. 13 тамыз. ҚазАқпарат - Қазақстанда бидайға арналған егіс алқаптары қысқаруда. Бұл туралы бүгін Үкімет отырысында ҚР Ауыл шаруашылығы министрі Асылжан Мамытбеков мәлім етті.
Министрдің сөзіне қарағанда, 2009 жылы жалпы егіс алқаптары ішінде бидай егістері 69 пайызға жуық (14,8 млн. гектар) деңгейде болса, 2012 жылға қарай оның көлемі 64 пайызға дейін қысқарды (13,5 млн. гектар). «2013 жылы бидай егістерінің аумағы 61 пайызды құрады (13,1 млн. Гектар)», - деді А. Мамытбеков.
