Қазақстанда бұқтырылған ет бағасы күрт қымбаттады

Қазақстанда ет консервілерінің өндірісі 4%-ға төмендеп, 2023 жылдың қаңтар-тамыз айларында 4,6 млн дана болды. Kazinform агенттігі бұл туралы Energyprom-ға сілтеме жасап хабарлайды.

Бұл ретте бұзау және сиыр етінен жасалған консервілер өндіру 47,5%-ға, 1,1 мың тоннаға дейін өсті. Көкөніс консервілерінің өндірісі де аздап артқан, бірақ тек 2,6%-ға, 2023 жылдың қаңтар-тамыз айларында 4,6 мың тоннаны құрады.

Көкөніс консервілері мен бұзау және сиыр етінен жасалған ет және көкөніс консервілері өндірісінің артуы екінші жыл қатарынан байқалады. «Коронавирус дағдарысы» кезеңімен салыстырғанда, көкөніс консервілерін өндіру бірден 28,8%-ға, ет – 9,3%-ға қысқарды, ал бұзау және сиыр етінен жасалған ет және көкөніс консервілерін өндіру 31,2%-ға өсті.

2023 жылдың қыркүйек айының соңында бұқтырылған ет консервілерінің бағасы айына 0,7%-ға өсті. Салыстыру үшін: бір жыл бұрын бағаның бірден 3,4%-ға өсуі байқалған. Ағымдағы жылы ет консервілері бағасының ай сайынғы айтарлықтай өсуі маусым айында байқалды, ол кезде баға 1,6%-ға қымбаттады.

Бір жыл ішінде ет консервілері 15,9%-ға қымбаттады, өткен жылы бұл көрсеткіш 30%-ды құраған.
Бұқтырылған ет консервілері бір жылда Қазақстанның барлық аймақтарында қымбаттады. Бағаның айтарлықтай өсуі Шымкентте байқалды. Одан кейін Батыс Қазақстан және Жетісу облыстары тұр: сәйкесінше 26,9% және 26,2%. Бұқтырылған ет бағасы ең аз Атырау (0,3 %) және Ақтөбе облыстарында (0,5 %) өсті.