Қазақстанда демалыс күндері бұрқасын болып, күшті жел тұрады
АСТАНА. ҚазАқпарат - «Қазгидромет» РМК алдағы демалыс күндеріне ауа райы болжамын жариялады.
«Алдағы аптаның демалыс күндерінде елдің солтүстігінде қар жауып, бұрқасын болады. Жолдың көрінісі 500 метрге дейін шектеледі. Желдің күші секундына 15-20, кей жерлерде 25 метр болады және ауа температурасы көтеріледі»,-делінген хабарламада.
Қазақстанның оңтүстігінде ылғалды қар түсіп, тұман болып, көрініс аймағы 200-500 метрге шектеледі. Жексенбі күні республиканың оңтүстігінде батыстан жылдамдығы секундына 20-25 метр жел соғады. Кей жерлерде желдің күші секундына 28 метрге дейін жетуі мүмкін. Көп аймақтарда көктайғақ болады.
