Қазақстанда еңбек қабілетін жоғалту және асыраушысынан айырылу жағдайларына тағайындалған әлеуметтік төлемдердің мөлшері арттырылды

ҚР Үкіметінің 2010 жылғы 30 желтоқсандағы №1480 қаулысы бүгін «Егемен Қазақстан» газетінде жарияланды.

Үкіметтің тиісті қаулысында былай делінген: «2011 жылғы 1 қаңтарға әлеуметтік төлемдерді алушылар болып табылатын адамдарға Мемлекеттік әлеуметтік сақтандыру қорынан еңбек қабілетін жоғалту және асыраушысынан айырылу жағдайларына тағайындалған әлеуметтік төлемдердің мөлшері 2011 жылғы 1 қаңтардан бастап жеті пайызға арттырылсын».

Бұл қаулы 2011 жылғы 1 қаңтардан бастап қолданысқа енгізіледі.

Қаулыға Қазақстан Республикасының Премьер-Министрі К.Мәсімов қол қойған.