Қазақстанда ересектердің 21,5%-ы темекі шегеді
НҰР-СҰЛТАН. ҚазАқпарат – Қазақстанда ересектердің 21,5%-ы темекі шегеді. Бұл туралы ҚР Денсаулық сақтау министрі Ажар Ғиният Үкімет отырысында айтты, деп хабарлайды ҚазАқпарат тілшісі.
«Дүниежүзілік денсаулық сақтау ұйымының 2019 жылғы зерттеу деректері бойынша Қазақстан Республикасында 15 жастан асқан ересек адамдардың арасында темекі шегу – 21,5% болған. Бұл ретте ер адамдар арасында – 38%-дан астамы, әйелдер арасында-6,4%-ы темекі шегеді. Темекі шегуді бастаудың орташа жасы – 17-ден 18 жас», - деді ведомство басшысы.
Министр келтірген статистика бойынша, 15 жастағы ұлдардың арасында темекі шегу көрсеткіші – 10%, қыздардың арасында - 6%.
«Жасөспірімдердің арасында электрондық сигареттерге деген әуестік жоғары. Ұлдардың арасында 15 жастағы қызғыш темекіні тұтынушылар – 14%, қыздардың арасында - 6% құрайды», - деді Ажар Ғиният.
