Қазақстанда I тоқсанда ет өндірісі 15,5% артты
АСТАНА. ҚазАқпарат - Қазақстанда 2018 жылдың қаңтар-наурыз айларында 63 631 тонна ет өндірілген. Бұл өткен жылдың сәйкес кезеңімен салыстырғанда 15,5 процент жоғары, деп хабарлайды «ҚазАқпарат» ХАА ҚР Ұлттық экономика министрлігінің Статистика комитетіне сілтемемен.
Есепті кезеңде мұнша өнім өндірілген: 132 617 тонна сүт (өткен жылдың қаңтар-наурыз айларындағы көрсеткішпен салыстырғанда 14,5 процент жоғары), ұн - 1 138 027 тонна (+23,7 процент), нан - 189 036 тонна (+6,7 процент), жарма - 20 267 тонна (+21,4 процент).
