Қазақстанда қанша көппәтерлі тұрғын үй бар
АСТАНА. KAZINFORM — Елімізде шамамен 60 мың көппәтерлі тұрғын үй бар, деп хабарлайды Өнеркәсіп және құрылыс министрлігінің баспасөз қызметі.
Мамандардың мәліметінше, олардың техникалық жағдайын талдау тұрғын үй қорының бір бөлігін жүйелі түрде жаңғырту мен жөндеуді қажет ететінін көрсетеді.
— Атап айтқанда, көппәтерлі үйлердің 67%-ы қанағаттанарлық жағдайда деп бағаланған. Бұл ретте қалған тұрғын үй қоры қосымша жаңарту мен күрделі жөндеу жұмыстарын талап етеді, — делінген хабарламада.
Министрлік атап өткендей, жүргізіліп жатқан мемлекеттік саясат қолданыстағы тұрғын үйлерді жаңғыртуға, тұрғындардың қауіпсіздігін қамтамасыз етуге және қалалық жайлы ортаны қалыптастыруға бағытталған. Бұл шаралар өз кезегінде азаматтардың өмір сүру сапасын арттыруға мүмкіндік береді.
Осыдан бұрын Талдықорғандағы көпқабатты тұрғын үйдің кәріз жүйесі бітеліп, жөртөле сасық суға толғанын жазғанбыз.
