Қазақстанда қанша өзбек азаматы жұмыс істеп жүр

Өзбекстан Орталық банкінің жеке тұлғалардың валюта айырбастау операциялары туралы мәліметтеріне сәйкес, әлемнің 40-қа жуық елінде шамамен 1,4 млн өзбекстандық жұмыс істейді.

Өзбекстан азаматтарының ең көп саны Ресейде жұмыс істейді – 834 200 адам. Одан кейін тізімде Еуропа елдері тұр – 258 мың, Қазақстан - 84 400, Түркия - 72 100 және Оңтүстік Корея - 46 400 адам.

Еңбек мигранттарының жалпы санының 398 900-і немесе 28,6%-ы – әйелдер. Жастардың үлесі – 402 100 адам немесе 28,9%.

Бұл ретте Өзбекстаннан еңбек миграциясының географиясы біртіндеп өзгеріп келеді: ТМД елдерінің үлесі 29%-ға төмендеді, ал Еуропа аймағында жұмыс істейтін азаматтардың саны 42%, ал Шығыс Азияда – 26% өсті.

Еңбек миграциясының негізгі экономикалық ынталандырушысы Өзбекстан мен баратын елдер арасындағы жалақы деңгейі болып отыр.

Осыған дейін Өзбекстанға барған шетелдік туристердің әр төртіншісі — Қазақстан азаматы екенін жаздық.