Қазақстанда қаңтар-тамыз айында алтын өндірісі 11,6% артты
АСТАНА. ҚазАқпарат - Қазақстанда 2018 жылдың қаңтар-тамыз айларында өңделген және жартылай өңделген алтынның немесе ұнтақ түріндегі өндіріс көлемі 62 251 келіні құрады. Бұл 2017 жылдың ұқсас мерзімімен салыстырғанда 11,6% жоғары, деп хабарлайды ҚазАқпарат ҚР Ұлттық экономика министрлігінің Статистика комитетіне сілтеме жасап.
Есептік кезеңде өңделген және жартылай өңделген немесе ұнтақ түріндегі күмістің өндіріс көлемі 638 640 келі болды. Бұл көрсеткіш өткен жылмен салыстырғанда 11% төмен.
