Қазақстанда коронавирус жұқтырғандарды емдейтін стационарлар біртіндеп босап жатыр
Өкпесінің 40 пайыз зақымдануымен модульдік ауруханаға түскен 70 жастағы Сәуле Жолдыбаева медицина қызметкерлерінің көмегімен дертіне дауа тауып, ауруынан құлан таза айығып шықты, деп хабарлайды ҚазАқпарат Санитариялық - эпидемиологиялық бақылау комитетінің баспасөз қызметіне сілтеме жасап.
Ал еліміздің басқа өңірлеріндегі ахуал қандай?!
Түркістан облысында коронавирус инфекциясы бойынша эпидемиологиялық жағдай тұрақты. Өңірде инфекциялық стационарларда 809 төсек-орын жасақталған, дегенмен қазіргі уақытта барлығы бос, өйткені COVID-19 диагнозымен ауырған бірде-бір науқас жоқ.
Еліміздің батыс аймағындағы ауру жұқтыру көрсеткіштері де қалыпты. Ақтөбе облысының инфекциялық стационарында 5 науқас емделіп жатыр, Батыс Қазақстан облысында-3, Маңғыстау облысында - 6 науқас ем қабылдап жатыр.
Қызылорда облысында 10 пациент, Шымкентте – 12, Ақмола облысында – 14, Павлодар мен Қарағанды облыстарында- 26, Нұр-Сұлтанда- 30, Жамбыл облысында – 35, Шығыс Қазақстан облысында – 40, Солтүстік Қазақстан облысында – 38, Алматы қаласында - 49 адам стационарлық ем қабылдап жатыр. Емделушілердің ең көбі Алматы облысының ковидтік ауруханаларында жатыр – 88 науқас.
Коронавирус инфекциясынан қорғанудың ең тиімді жолы – аурудың алдын алу.
«Егер әрбір азамат ұжымдық иммунитет қалыптастыру үшін вакцинация қарқынын төмендетпей, ревакцинациядан уақытылы өтуді жалғастыратын болса, ауруханаларында бірде-бір науқас қалмаған Атырау мен Түркістан облыстарындағыдай жағдай еліміздің өзге де аймақтарында қалыптасуына үлес қосқан болар еді.