Қазақстанда коронавируспен ауырғандар саны 2 есеге өсті

НҰР-СҰЛТАН. ҚазАқпарат - Соңғы 10 күнде республикада КВИ жұқтырған 15 156 адам тіркелді. Бұл туралы Денсаулық сақтау министрі Алексей Цой айтты, деп хабарлайды ҚазАқпарат.

«Жалпы республика бойынша биыл наурыз-сәуір айларында аурудың нақты болжамы тура келді. Соңғы 10 күнде республикада КВИ жұқтырған 15 156 адам тіркелді, наурыздың басымен салыстырғанда сырқаттанушылық деңгейі 2,0 есе өсті, әсіресе, Алматы, Нұр- Сұлтан қалаларында, Алматы, Ақтөбе, Атырау, Қарағанды, Батыс Қазақстан облысында науқас саны көп» , - деді А.Цой ҚР Президенті Қасым-Жомарт Тоқаевтың төрағалығымен өткен коронавирус инфекциясына қарсы іс-қимыл шаралары бойынша кеңесте.