Қазақстанда коронавирустан емделіп жатқан 67 науқастың жағдайы өте ауыр
НҰР-СҰЛТАН. ҚазАқпарат – Қазақстанда 11 қаңтардағы мәлімет бойынша 23 725 адам коронавирус инфекциясынан (21 884 КВИ+ және 1 841 КВИ-) емделуде.
Бұл туралы ҚазАқпарат ҚР Үкіметі жанындағы Қазақстанда коронавирустың таралуына жол бермеу жөніндегі ведомствоаралық комиссиясының Telegram каналына сілтеме жасап хабарлайды.
Емделіп жатқанжардың ішінде:
3 139 пациент стационарда,
20 586 науқас амбулаториялық деңгейде ем қабылдауда.
КВИ+, КВИ- шалдыққандардың арасында:
188 адамның жағдайы ауыр,
67 пациенттің жағдайы өте ауыр,
47 науқас жасанды тыныс алу аппаратында жатыр.
